山歌2

爱唱山歌唔怕羞大暑过了系立秋，○1
爱唱山歌唔怕羞，○2
山歌唔系乜人造，○3
唔系咸鱼送烧酒。

○4
眉开眼笑见朋友，
山歌唔唱唔风流，
山哥山妹唱山歌，
自古流传天下有。

唱歌唔系考口才，
边缅边想唱起来，○5
唔系考场来考试，
唔会枉屈你文采。

○6
山歌唔唱沤坏嘴，○7
酒肉唔食沤坏菜，
老酒唔食沤成醋，
近火干柴烧成灰。

扇子唔摇唔生风，
山歌唔唱沤肚中，
胡琴唔拉无声音，
西装唔着沤穿窿。

想唱山歌就开声，唔需指名又道姓，○8想唱就唱随口出，唔好等到二三更。

想唱山歌就开口，唔好等涯来开头，○9铁匠难打石狮子，木匠难砌走马楼。

山歌好唱难开头，铁匠难打钓鱼钩，竹匠难织谷围角，阿妹难言唔需愁。

○10
久唔打鱼忘了河，久唔织布忘了梭，久唔看书忘了字，○11久唔上山忘了歌。

○12
久唔撑船忘了排，久唔倒柴忘了崖，○13久唔割烧忘了镰，○14
久唔交情忘了涯。

唱歌唔怕叔公多，连妹唔怕老刁婆，阿婆早时系妹子，叔公做过后生哥。

寨里行落长潭排，你下东水爱等涯，梧桐凤凰唔开口，涯个雉鸡唔敢啼。

想唱山歌你就来，唔怕佢哋打嗬嗨，○15乜个山猪唔敢打，○16乜个火堆唔敢踩。

爱唱山歌就开声，唔怕别人把气嘭，○17唱出心头快乐来，唔系你涯比输赢。

讲唱山歌涯唔愁，涯系山顶大石头，经过几多大风雨，
顶过几多大水牛。

掌牛阿哥歌满坡，撑船阿哥歌塞河，想唱山歌唔开口，好比哑妹连哑哥。

倒柴阿哥山歌多，打鱼阿哥歌满河，割烧阿妹哥来连，哥拖尾来妹拖哥，○18
唔想唱歌你行开，等涯慢慢唱起来，蟾蜍捉来垫凳脚，○19硬气把你顶下台。

山溪流水清又清，山歌紧唱紧有情，○20哥妹情如长流水，山歌好比做媒人。

爱隔蕗箕就上岗，爱对山歌就开腔，无媒样般对山歌，○21
对歌还爱妹来帮。

○22
注：○1.系：是。

○2.唔：不。

○3.乜：乜个的简称，乜个即什么。

○4.咸鱼送烧酒：地方歇后语——不怕羞。

○5.缅：缅想。

○6.枉屈：枉费。

○7.沤：方言，堆积物变质。

○8.无需：不用。

○9.涯：客家话，我。

○10.言：言谐隐。

○11.字：字谐事。

○12.歌：歌谐哥，双关。

○13.倒：砍，在客家话里，成功、到手都称倒。

14.割烧：割稻草。

15.
打嗬嗨：吆号子。

○16.乜个：客家话，什么。

○17.嘭：吹气，也称鼓气。

○18.这句哥谐歌，妹谐尾，拖谐托，关联。

○19.蟾蜍垫凳脚：地
方歇后语——博命撑。

○20.紧：越。

○21.媒谐妹。

样般，客家话，怎样。

○22.歌谐哥，妹谐尾。

敢问阿哥乜个名（对唱）
男：
满园鲜花系企生，○1
花好看来叶又青，
咁好红花哥唔识，○2
看来看去唔知名。

女：
山又青来水又青，
样般问哥哥唔声，○3
嫌涯人细无打紧，○4
嫌涯人貌交唔成。

男：
今日见妹笑咪咪，
唔知阿妹去哪里？
有话就同阿哥讲，
有乜心事话哥知。

○5
女：
面前阿哥系陌生，
名花唔系路边生，
唔知阿哥姓乜个，
敢问阿哥乜个名。

男：
妹问阿哥乜个名，木子就系伢个姓，○6家住粤北大山中，木目就系伢个名。

女：
两木就系涯嘅姓，○7女子就系伢嘅名，知得阿哥在粤北，知得哥在李屋坪。

男：
阿妹确系好阿妹，咁久唔见去哪来，清早见妹去担水，夜脯梦见林妹妹。

○8
女：
好久唔曾搭船上，一河两岸好风光，哩个阿哥涯唔识？○9唔知阿哥系哪行？
男：
好搭船上涯搭下，河岸咁多蝶恋花，哩个阿妹涯唔识，原谅阿哥无嘴码。

○10
女：
三条黄竹一样长，哪条可以做竹娘？○11哪条黄竹过老硬？哪个阿哥情过长？
男：
三条黄竹细又长，无斑无缺做竹娘，当日黄竹过老硬，老实阿哥情正长。

○12
女：
三蔸杨树般般柳，○13唔知哪蔸下惠州？三个细妹一样靓，唔知哪个情过有？○14
男：
一挡鸭嫲照水下，○15五个细妹一江奢，○16哪只鸭嫲生紧春？○17哪个细妹正顾家？
女：
三个阿哥照坣上，唔知哪个正稳当？哪个勤劳又俭朴？哪个同涯有商量？
男：
勤劳务实正稳当，心平气和有商量，忠信孝悌系美德，和谐敦贤系良方。

女：
三蔸松树撑天庭，唔知哪蔸过多仁？○18个个靓仔咁高大，哪知哪个好交情？
男：
三条竹子长溜溜，唔肯甩来唔肯丢，三个细妹哥中意，可惜无人做引头。

女：
上塘鲤仔跳下塘，唔知哪塘水正凉？三个阿哥一样好，个个端庄情义长。

男：
三个细妹好斯文，人才盖过一条村，武艺胜似穆桂英，文采技艺赛昭君。

女：
三个阿哥一样靓，日下透红夜透青，人品才貌涯中意，哪个肯交都会成。

注：○1.鲜：鲜谐新。

企谐欺。

○2.咁：这么。

唔：不。

○3.样般：怎样。

○4.涯：客家话，我。

无打紧：不要紧。

○5.乜：乜个的简称，
乜个即什么。

○6.伢：我。

○7.嘅：的。

○8脯：晚上。

○9.哩个：这个。

○10.嘴码：这里指口才。

○11.竹娘：母竹。

○12.正：才。

○13.蔸：棵。

○14.过：较。

○15.鸭嫲：母鸭。

照：沿。

一挡：一群。

○16.一江奢：一
大阵，一大群。

○17.春：客家话，蛋。

○18.仁：松脂。

一心同妹好到老
三月种竹望上天，
样知紧大尾紧弯，○1
同妹结理望偕老，
样知生活咁艰难。

○2
阿哥打工好艰难，
坐船搭车过海关，
打工嫌钱转来使，○3
阿妹在家好孤单。

昨夜夫妻共一床，
今日各分东西方，
半夜分手情难舍，
哥妹双双泪两行。

送即送到佛子前，
哼云紧锁无光天，○4
保佑上天落大水，
留得阿哥嬲一天。

○5
阿哥打工离开家，
丢开涯妹一枝花，○6
芭蕉跌落石凳板，样般安心放得下。

○7
送即送到清水溪，郞脱袜来妹脱鞋，双手扶郞把溪过，你爱有心记得涯。

○8
阿哥打工去韶关，爱过大桥翻大山，赚到银钱尚紧转，○9记等阿妹咁孤单。

○10
阿哥打工离开家，世界妹子你莫惹，○11路边野花唔好采，探花终归害自家。

阿哥打工去珠海，离别妻儿爱自爱，自家财物保管好，守法做事莫贪财。

阿哥打工去鹏城，○12赌博歪风得人惊，
循规蹈矩做事业，血汗银钱最干净。

阿爱打工离开家，毒品千其唔好惹，○13食到毒品戒唔脱，害人害己害齐家。

○14
阿哥打工去惠阳，身边小人爱提防，衣物证件保管好，丢失钱物苦难当。

阿哥打工心爱欢，一日记着食三餐，自家身体最要紧，知饿知渴知冷暖。

阿哥打工去广州，家中妻儿唔好丢，恩爱夫妻情难舍，泪水两行照面流。

○15
阿哥打工爱惜财，勤俭节约做到来，
积少成多就有成，开只账户存起来。

阿哥打工去四川，俩侪牵手泪唔断，○16丢下妹子无依靠，嘱郞爱知冷知暖。

阿哥搭车到海关，心中想着涯阿嫚，○17到了深圳写信转，免至阿妹咁孤单。

出门打工系苦情，得病求医好可怜，一口茶水自家扛，身边无只自家人。

阿哥打工去太平，妹子唔敢怨家贫，郞在家中穷也乐，成双成对值千金。

吖妹苦口劝阿哥，出门打工好奔波，
唔系缅紧丢阿妹，○18
外出寻钱无奈何。

夫妻分离各一方，
阿妹盼郞痛心肠，
叔婆叔娘来相劝，
暗擦偷抹泪两行。

唔怨爷来唔怨娘，○19
阿妹今生样咁衰，○20
石古庙里来烧香，
保佑涯郞早转来。

注：○1.样知：怎知。

○2.咁：这么。

○3.转：回。

○4.无无光：天没亮。

○5.嬲：聊、闲聊。

○6.涯：客家话，我。

○7.样般：怎么。

○8.爱：要。

○9.尚紧：方言，抓紧。

○10.记等：客家话，记着。

○11.世界妹：妓女。

○12.鹏城：深圳。

○13.千其：方言，千万。

○14.侪家：大家。

○15.照：沿着，顺着。

○16.俩侪：俩人。

○17.阿嫚：妯娌间最小的一个，这里指妻子。

○18.缅：缅想，缅紧：想着。

○19.爷娘：父母。

○20.衰：
不走运，运气不足。